ئیران مووشەکەیلی وەرەو ئوردن وەشنێد و جۊلەی ئاسمانی وەگەرد عراق وسنێد
شەفەق نیوز- تاران/ عەممان
میدیایەیل راگەیانن، شەو سێشەممە - چوارشەممە، خەوەر دان لە چەودیاریکردن ئۆپەراسیۆنەیل ریگریکردن ئاسمانی لە ئاسمان شار ئیربد لە باکوور ئوردن، لە ناوڕاس قسەوباس لەباوەت مووشەکەیل ئیرانی کە چگنەسە ناو ئاسمان شانشینەگە.
میدیایەیل راگەیانن عەرەبی دیمەنەیلیگ بڵاو کردن کە وتن نیشان مووشەکەیل ریگریکەر لە ئاسمان باکوور ئوردن دەن، لە وەختیگ وەرجەیە ئیربد ئاڵووزییەیل دۊایی وەخوەی دییە ریگریکردن مووشەکەیل ئیرانی و رەدبۊن تەقەمەنییەیل وەبان ئاسمانەیەو.
و لە پیشهاتیگ هاوەخت، سەرچەوەیگ ئەرا ئاژانس شەفەق نیوز وت کە دەسەڵاتەیل ئیرانی جۊلەی ئاسمانی وەگەرد عراق وساننە هاوەخت وەگەرد وەرداین مووشەکەیل.
یەیش دۊای سەعاتەیلیگ پڕ لە ئاڵووزییەیل لە ئاوەیل کەنداو تیەێد، کە دەس وەپیکرد وە راگەیانن سوپای پاسداران ئیرانی وە کۆنتڕۆڵکردن لەبان ئامرازیگ ئەمریکی بی سەرنشین لە ژیر ئاو لە دەروازەی گەروو هورمز.
پاسداران وتیش کە هیزە دەریاییەیلیان ریگری کردنە لەوەگ ناوی وە یەکیگ لە نووترین "ژێرئاوگەڕە زیرەک و بی سەرنشینەیل" سەروە سوپای ئەمریکی هاوردن لە ئۆپەراسیۆنیگ هەواڵگری شەفەق سێشەممە.
لە وەرانوەر ئەوە، وەرپرسیگ ئەمریکی وت کە ئامرازەگە وەرجە زیاتر لە رووژیگ لەکار کەفتگە، و لە جۊریگ کۊنەس وە ریژەیی و هیچ ئامێریگ سۆنار یا کەرەسەیل هەواڵگری نهێنی هەڵنیەگرێد.
میدیایەیل راگەیانن ئیرانی دیاری کردن کە ئامرازەگە لە جۊر "Dive-LD"ە، و سەکوویگ بی سەرنشینە تەرخان کریاگە ئەرا کارکردن لە ژیر ئاو ئەرا ماوەیگ دریژ، لە وەختیگ سوپای پاسداران دەسگردن وەبانی وە دەسکەفتیگ هەواڵگری هەژمار کرد لە سای رۊوەڕۊبۊنە دەریاییە زیایبۊگە وەگەرد ویلایەتە یەکگرتگەیل.
دۊای سەعاتەیلیگ لە رۊیداو ئامرازەگە، هیزەیل ئەمریکی پەلامارەیل نوویگ کردنە بان کەشتییە هەڵگرەیل نەفت ئیرانی نزیک دوورگەی خەرج و ناوچەی جاسک، وەپای وەرپرسەیل ئەمریکی و وەسایل راگەیانن ئیرانی.
راپۆرتەیل ئەمریکی دووپات کردن کە گورزەیل چەن کەشتییگ هەڵگر گریەدار وە ئیران کردنەسە ئامانج، لە وەختیگ ئاژانس "تەسنیم" وت کە کەشتییگ هەڵگر ئیرانی وە مووشەکیگ لە دۊری نزیکەی چوار میل لە دۊرگەی خارک پەلامار دریاس، و دەسکریاس وە چووڵکردن تیمەگەی بی تومارکردن زەخمدارییەیل.
هەرلیوا، دەریایی سوپای پاسداران هوشداری دا تیمەیل کەشتییە هەڵگرەیل نەفت ئامادەبۊ لە وەرانوەر کەناراوەیل کوێت و بەحرەین، و داوا لەلیان کرد وە "جی هیشتن کەشتییەیلیان زویوەزوی"، وە هەڕەشەی کردنە ئامانجیان لە سای وەردەوامبۊن ئۆپەراسیۆنەیل ئەمریکی دژ وە ئیران.
