ئیران.. لەسێدارەدان 3 کەس وە توومەت سیخوڕی و کوشتن پیاوەیل ئەمنی
2026-03-19T09:53:00+00:00
شەفەق نیوز- تاران
دەسەڵات دادوەری ئیران، ئمڕوو پەنجشەممە، لەسێدارەدان 3 کەس راگەیان کە سزا دریان وە کوشتن پیاوەیل پۆلیس و جیوەجیکردن ئۆپراسیۆن ئەرا وەرژەوەندی ویلایەتە یەکگرتووەیل و ئیسرائیل لە وەخت ناڕەزایەتییەیل سەرەتای ئەمساڵ.
ماڵپەڕ "میزان ئۆنلاین" سەر وە دەسەڵات دادوەری بڵاویکرد، "3 کەس کە سزا دریان لە وەخت ئاژاوەیل کانوون دووەم وە توومەت کوشتن و جێوەجیکردن ئۆپراسیۆن ئەرا وەرژەوەندی رژێم زایۆنیستی و ویلایەتە یەکگرتووەیل، شەوەکی ئمڕوو لەسێدارە دریان".
ماڵپەڕەگە وتیش: "ئەو کەسەیلە دەس داشتن لە کوشتن دوو لە پیاوەیل ئەمنی".
ئاژانس خەوەری "میزان" سەر وە دەسەڵات دادوەری ئیران، دویەکە چوارشەممە، راگەیان دەسەڵاتەیل پیاویگ وە توومەت سیخوڕی ئەرا ئیسرائیل لەسێدارە دا و وت ناوەگەی "کوروش کیوانی"یە.
