ئیران کلی کردیە.. ئەمریکا کەشتییگ داغان کەێد تەقەمەنی بار کردیە
شەفەق نیوز/ فەرماندەیی ناوەندی ئەمریکا، ئمڕوو سێشەممە، نواگردن باریگ تەقەمەنی راگەیان ک ئیران وەڕی خەلیج عومان کلی کردیە.
فەرماندەییەگە لەبان تویتەر نویسان و تووڕ "سی ئێن ئێن ئەمریکی" بڵاوی کرد وت: لە ٨ تەشرین دویەم، هیزەیل فەرماندەیی ناوەندی ئەمریکا نواگیر کەشتییگ لە خەلیج عومان کرد ک هویچ پەرچەم هویچ دەوڵەتیگ وەبانی نەویە، لە ئیران کلکریاگە ئەرا قاچاغی بڕ فرەیگ لە تەقەمەنی وەرەو یەمەن.
فەرماندەییەگە وتیش: بارەگە ک زیاتر لە ٣٦٠ هەزار رەتڵ پەین یۆریا باری کریاگە (ک ئەرا دروسکردن تەقەمەنی وەکار تیەێد) وەگەرد بیرکلۆر ئەنۆنیمۆس ( ک ئەرا دروسکردن مووشەک پالیستی وەکار تیەێد).
وتیش: کەشتیەگە وەشکانیە و نقومی کردیە، و تیمەگەی داگە دەس دەسەڵاتەیل یەمەن.
فەرماندەییەگە لەزوان فەرماندەگەی مایکڵ ئیرێک کوریلا وت: وەگەرد هیزە هاوبەشەیل، فەرماندەیی ناوەندی پابەندە وە ئاسایش و ئارامی ناوچەگە و شکستهاوردن وە تەقەلای قاچاغی تەقەمەنی لە هشکایی وئاسمان و دەریا.
