ئیران راگەینێد کە کەشتی جەنگی "ئەبراهام لینکۆڵن" وە مووشەک کڕۆز کردیەسە ئامانج
شەفەق نیوز - وەدویاچگن
سوپای ئیران، ئمڕوو چوارشەممە، ئاشکرا کرد کە چەن مووشەکیگ کڕۆز باڵدار لە کەناراوەیل ئیرانەو وەرەو کەشتی جەنگی ئەمریکی "یو ئێس ئێس ئەبراهام لینکۆڵن" وەشانینە، و دووپات کرد کە بڕیگ لەو مووشەکەیلە ڕەسینەسە ناو کەشتییەگە.
بەیاننامەی نویسینگەی رووژنامەوانی سوپای ئیران وت: چەن مووشەکیگ کڕۆز باڵدار لە کەناراوەیل ئیرانەو وەرەو کەشتی جەنگی ئەمریکی یو ئێس ئێس ئەبراهام لینکۆڵن وەشانیە، و دیاری کرد کە"بەشیگ لە مووشەکەیل رەسینەسە ناو کەشتییە جەنگییەگە.
وەرجەیە، شەهرام ئیرانی، فەرماندەی هیز دەریایی سوپای ئیران هەڕەشەی پەلاماردان کەشتییەگە دا ئەگەر باێدە دەسڕەس مووشەکەیل ئیران، وتیش: هیزە دەریاییەیل ئیران مقیەتیکردن و کۆنتڕۆڵ تەواو وەبان گەروو هورمز و کەنداو دیرن.
وتیش: جویلەی کەشتی جەنگی ئەمریکی ئەبراهام لینکۆڵن وەردەوام کەفتیەسە ژیر چەومان، وەپەی ئاژانس فارس ئیرانی، و دیاری کرد کە "هەر هاتنیگ ئەرا ناو دەسڕەس سیستمەیل مووشەکی ئیران، بوودە مدوو پالاماردانی.
لە لاییگ ترەک، مەحموود قالیباف، سەرۆک پەرلەمان ئیران لە پۆستیگ وت: وڵاتەگەی وە هویردی چەوکیار4 جویلەی ئەمریکا لە ناوچەگە و بڵاوبوین سەربازەیلی کەێد، وتیش: ئەو چشتە ک سەرکردەیل رماننە سەربازەیل نیەتوەنن خاسیەو بکەن و هاتێ بوونە قوربانی خەیاڵەیل نەتەنیاهۆ، و دووپاتیش کرد کە تاقی ئیرادەی ئیمە ئەرا وەرگریکردن لە خاکمان نەکەن.
ئەمریکا و ئیسرائیل، لە 28 شوبات گوزەشتەو، وەردەوامن لە زنجیرەیگ پەلامار وەبان ئامانجەیل ناو ئیران و تەهران پایتەخت، ک بویە مدوو زیان گەورە و کوشیان مەردم و کوشتن عەلی خامنەیی ریبەر ئیران و شمارەیگ لە فەرماندەیل سوپای پاسداران و سوپا.
ئیرانیش وە پەلامارەیل مووشەکی وەبان ئیسرائیل و دامەزراوەیل سەربازی ئەمریکی لە خوەرھەڵات ناوڕاس لە ئیمارات و قەتەر و بەحرەین و کوێت و سعودیە وەڵام دا، و پەیمان دا وە وەڵامدان سەختیگ کە وەرجەیە نەویە.
