ئۆکرانیا: نرخ گەنم لە سەرانسەر جەهان بەرزەوبۊ
2022-04-04T07:53:41+00:00
شەفەق نیوز/ وەزیر کشاوەرزی ئۆكراین، ئمڕوو دوشەممە، دەسوەپیکردن وەرز درەوکردن ئەمساڵ راگەیان، باوجی هوشداری دا ك وەردەوامی جەنگ مانای بەرزەوبۊن نرخ گەنم لە سەرانسەر جەهان رەسنێد.
وەگورەی ئاژانس هەواڵی "رۆیتەرز" وەزیر کشاوەرزی ئۆكراین میكۆلا سولسكی راگەیان، بارودۆخەگە فرە خەراوە وەتایبەت لە رەسانن سووتەمەنی ئەرا بووسانەیل.
ئەوەیش ئاشکەرا كرد، بەرهەمەیل گەنم ئۆكراین لە مانگ ئادار چوارئەوەنە كەمتربۊیە لە مانگ شووبات لەوەر داگیركاری رووسیا.
ئۆكراین چوارەم گەپترین سەرچەوەی گەنمە لە جهان ئەرا ساڵ 2020-2021 وەگورەی ئەنجومەن دانەوێڵەی ناودەوڵەتی و هەرە فرەگەی ئی گەنمە لە رێ دەریای سیە کلکریایە.
