ئیران.. 7 کەس لە پاسداران و بەسیج وە مدوو پەلامارەیل ئەمریکا لە کرماشان و لاوان کوشیان
شەفەق نیوز ـ تەهران
سوپای پاسداران ئیران، ئمڕوو چوارشەممە، راگەیان 4 کەس لە ئەندامەیل خوەی وە مدوو پەلاماریگ ئەمریکا کە پارێزگای کرماشان لە خوەرئاوای ئیران کردە ئامانج، کوشیان.
لە هەمان وەختدا، ئاژانس "مهر"ی ئیران راگەیان، 3 کەس لە هێزەیل بەسیج وە مدوو پەلامارەیل ئەمریکا کە دوورگەی لاوان لە باشووری ئیرانای کردە ئامانج، کوشیان.
وەرجەیش ئمڕوو، ئاژانس خەوەری ئرانی "ئیرنا" راگەیان 11 کەس کوشیان و 58 کەس زەخمداربوین، وە مدوو پەلامارەیل ئەمریکا کە شوینەیلیگ لە پارێزگاەیل هورمزگان و خوزستان لە باشوور و خوەرئاوای باشووری ئیرانای کردە ئامانج.
فەرماندەیەتی ناوەندیی ئەمریکا "سەنتکۆم"، شەوەکی ئمڕوو چوارشەممە، راگەیان کە شەپوولیگ نوو لە پەلامارەیل شوین و توانا سەربازیتیل ئیرانی کردیەسە ئامانج، تەواوکریان.
فەرماندەیەگە لە بەیاننامەیگ وت هێزەیل ئەمریکا شوینەیل پەیوەندیدار وە سوپای پاسداران کردە ئامانج، سیستەمەیل وەرگری ئاسمانی و سیستەمەیل رادار، هەمیش سامانی دەریایی و دامەزراوەیل و توانا پەیوەندیدارەیل وە دانان مین و شوینەیل پەیوەنی.
