رەئیسی کەسیگ لە کورد فەیلی ئەرا پۆست وەزیر پەروەردە پیشنیاز کەێد

شەفەق نیوز/ ئیبراهیم رەئیسی، سەرۆک کۆمار ئیران لە 17-11-2021 لە نامەییگ وە فەرمی، یوسف نووری، جۊر وەزیر پەروەردەی ئیران وە پەرلەمان ناسان.    

 ئیبراهیم رەئیسی وەرجە ئیسە  دوو ناوتر  ئەرا وەزیر پەروەردە داگە  پەرلەمان، باوجی هیچ کامیان متمانەی پەرلەمانتارەێل وەدەس ناوردنە.    

سێیەمین کەس سەرۆک کۆمار ئیران جوور وەزیر پیشنیاز کریای ئەرا وەزارەت پەروەردە وە پەرلەمان ناسان، کوردیگ فەیلییە و خەڵک پارێزگای ئیلام خوەرئەڵات کوردستانە، باوجی لە کارنامەگەی هۊیچ باس لە خوەنین وە زوان داڵگیی نەکردیە.    

نوێنەرەێل پارێزگای ئیلام لە پەرلەمان ئیران لە پەیامەێل جیاواز پشتگیری خوەیان ئەرا یوسف نووری نیشاندان، ئەرا  یەکەمجارە کەسیگ  لە خەڵک ئیلام ئەرا ئەو پۆستە ئەڵوژێریەد.