کۆریای باشوور.. پولیس سەرۆک (لاوریاگ) دەسگیر کەێد

شەفەق نیوز/ نویسینگەی لێکۆڵینەوە لە گەندەڵی گەورە وەرپرسەیل لە کۆریای باشوور، ئمڕوو چوارشەممە، سەرۆک یۆن سوک یول دەسگیر کرد، کە کەفتیەسە ڕوی توومەت یاخیبوین و بوختەیل ترەک.

نویسنگەی لێکۆڵینەوە لە گەندەلی گەورە وەرپرسەیل وت: یاداشت بەندیکردن یۆن لە ساعەت 10:33 شەوەکی جیوەجی کرد، و ئەرا کۆمەڵگەی حکومەتی لە گواچیون باشوور سیئۆل بڕیا.

لەلای خوەییش، سەرۆک یۆن وت: بڕیار دا لە وەردەم ئاژانس دژە گەندەڵی بووسێد ئەرا ئەوە کە خوین نەڕشێد، و دووپات کرد کە لێکولینەوەی ئاژانسەگە یاسایی نییە.

یۆن لە پەیامیگ ڤیدیۆ توومارکریاس لە شوین نیشتەیجیی لە یونگسان ناوڕاس سیئۆل وەرجە دەسگیرکردنی وت: تا نەوودە رویداویگ خەفەتبار و سەخت، بڕیار دام لە وەردەم نویسنگەی لێکۆڵینەوەیل گەندەڵی بوسیەم، هەرچەن باوەڕ دیرم کە لێکۆڵینەوە نایاساییە.

یە یەکەم جارە سەرۆکیج وەلایەن دەسەڵاتەیل لێکۆڵینەوە لە میژوو کۆریای باشوور دەسگیر بکریەێد.

یەکەم تەقەلای جیوەجی یاداشت دەسگیرکردن لە 3ی کانوون دویەم شکست هاورد، کە کەفتە رویوەڕویبوین تا چەن ساعەتیگ وەرد پاسەوانەیل یۆن.