کۆریای باشوور... زیندانیکرد ژن وەزیر داد وە تومەت فێلکردن
شەفەق نیوز/ دادگای کۆریای باشوور، ئمڕوو پەنجشەممە، سزای چوار ساڵ زندانیکردن ئەرا ژن وزیر داد وەرین کۆریای باشوور دەرکرد.
جونگ كیونگ مامۆستای زانكۆیە و خیزان جو كوك وەزیر وەرین داد كۆریای باشوورە، تۆمەتبار کریایە ک لەمەوقەی توومارکردن ناو دۊتەگەی لە زانكۆ فێڵیكردیە، چەن تۆمەتیگتریش وەسەری چەسپیایە جۊر ساختەكردن ئیمزای سەرۆك زانكۆی دونگیانگ.
وەگورەی میدیای كۆریای باشوور، 15 تۆمەت رۊیوەرۊ جونگ كیونگ کریایە، جۊر وەدەسهاوردن بڕوانامەیگ ڕاهێنان ساختە وەخاتر دەسمیەتیدان دۊتەگەی ئەرا وەرگردن لە كۆلێژ پزشكی لە ساڵ 2013.
لە گوزەشتە لە ساڵ 2010 سەرۆک وەزیرەیل كۆریای باشوور لەژیر فشاری مللەتەگە دەست لەكاركیشا وچەندین وەزیر و كاروەدەس ئەو وڵاتە وەتۆمەت گەندەڵی دادگاییكریانە، لەوانەگ هاوژین سەرۆک وەزیرەیل گوزەشتە لە ساڵ 2010 وە تۆمەت گەندەڵی سزای هەفت ساڵ زیندانیكردن ئەرای دیاریکریا.
