دوياى چگن چه‌كداره‌يل له سورياوه ئه‌را ليبيا.. لايه‌نگرى تازه ئه‌را به‌غدادى
2019-07-07T10:05:34+00:00
شه‌فه‌ق نيوز/ له تۆماريگ ڤيديۆيى ريكخرياگ تيرۆريستى داعش له ناوچه‌ى چووڵه‌وانى ك پيشبينى ئه‌كريه‌ێج باشوور ليبياس، ده‌يان چه‌كدار ده‌ركه‌فتگه‌و موبايعه‌ى ئه‌بوبه‌كر ئه‌لبه‌غدادى ئه‌كه‌ن.
ماوه‌ى گرته ڤيديۆگه ك له‌لايه‌ن ريكخرياگ داعشه‌و له‌بان ماڵپه‌ڕه‌يلى بڵاويه‌و كردگه 5 ده‌قه‌س، كك ده‌يان چه‌كدار له‌تى ده‌رئه‌كه‌فن وه سه‌ياره و چه‌ك، وه‌لێ شوونه‌گه‌و وه‌خت تۆماركردن ڤيديۆگه ديار نيه.
جى باسه، يه‌يش وه ريككه‌فت وه‌ل ده‌ركردن راپۆرته‌يليگه ك باس له‌وه ئه‌كه‌ن چه‌كداره‌يليگ له ئدلب سورياوه چينه وه‌ره‌و ليبيا له‌ساى نه‌وين ده‌سڵات ناوه‌ندى له‌و شاره‌و ناكووى چه‌كدارى له ناونى حكومه‌ت ويفاق و هيزه‌يل موشير خه‌ليفه حه‌فته‌ر ئه‌را كۆنترۆڵكردن ترابلوس.
