یە دوو ساڵە یەکەم جارە مردنەیل کۆڕۆنای جەهان لە ١٠ هەزار کەمتر بوود
شەفەق نیوز/ شمارەی تۊشهاتنەیل نوو وە ڤایرۆس کۆرۆنا لە جەهان ئەرا دویەم هەفتەس لە ٣،١ مەلیۆن رەد نەکرد، وشمارەی مردنەیلی وەرەو نزمەوبوین چوود، ک لە ماوەی یەک هەفتە ٩،٦ کەس لەوەر پەتاگە گیانی لەدەسدا، ک لە وەهار ٢٠٢٠ تا ئیسە یە کەمترین شمارەس.
ئەمریکا، لەپلەی یەکەم هات لە شمارەی تۊشهاتنەیل وە ڤایرۆسەگە لە جەهان، ک لە هەفت رووژ گوزەشتە نزیکەی ٦٦٠ تویشهاتن نوو توومار کرد.
لە بەڕازیل، شەپوول بڵاوبوین نوویگ توومار کریا، ک رووژیگ زیاتر لە ٤٠ هەزار تویشهاتن توومار کرد. لە مەکسیک، ئاست تویشهاتن بەراورد هەفتەی گوزەشتە دووقات بوی، ک رەسیە نزیکەی ٦٠٠٠ کەس لە رووژیگ.
لە ئەوروپا، هیمان بەرزترین شمارەی تۊشهاتنەیل وە ڤایرۆسەگە هالە ئەڵمانیا، ک لەماوەی هەفتەیگ نزیکەی ٣٠٠ هەزار تویشهاتن توومار کریا، و دووارە شمارەی تۊشهاتنەیل لە ٧٠ هەزار کەس لە رووژیگ رەد کرد.
لە بەریتانیا، تۊشهاتنەیل رووژانە دەسکردە بەرزەوبوین، ولە ١٠ هەزار کەس لە رووژیگ رەد کرد.
لە ئاسیا، هێمان سەختیەگە هالە کۆریای باکوور، ک لە سەرەتای مانگ ئایار یەکەم تویشهاتن ئاشکرا کرد، هەرچەن ئامار هویردیگ نییە، باوجی دەسەڵاتەیل کۆریای باکوور رووژ شەممەی گوزەشتە باس ٤٢٨١٠ تویشهاتن نوو کردن.
