دوو زەویلەرزە لە وڵات مەغریب
2023-09-09T05:48:25+00:00
شەفەق نیوز/ وەزارەت ناوخۆ لە وڵات مەغریب، کوشیان ٢٩٦ کەس و زەخمداری ١٥٣ کەس لەلای کەمەو راگەیان، لە ئاماریگ فەرمی سەرەتایی لەو زەویلەرزە کە چەن شاریگ هاوردە لەرزە و زیڕە خستە ناو دانیشتگەیل شانشینەگە.
وەزارەتەگە وتیش؛ قوربانیەیل لە ناوچەیل حوز و مەراکش و رزازات و ئەزیلال و شیشاوە و نارودانت توومار کریان، لە ئاماریگ تا شەفەق شەممە.
بەیانامەگە دیاری کرد کە زەخمدارەیل لە سەختییان جیاوازن، کە ئەرا خەسەخانە بریان.
وڵات مەغریب، شەو جمعە، زەویلەرزەیگ وەتونی ٧ پلە لەبان پەیمانەی ریختەر توومار کرد، کە دانیشتگەیل فرەیگ لە خەڵک شانشینەگە هەس وەپی کردن.
ناوەند ئەڵمانیا ئەرا زانستەیل زەوی (GFZ) راگەیان کە زەویلەرزەی نوویگ وەتونی ٥.٣ پلە لەبان پەیمانەی ریختەر شەفەق ئمڕوو شەممە مەغریب هاوردە لەرزە.
زەویلەرزە دویەمەگە دویای ١٩ خولەک لە یەکەمەگە هات کە وە تونی ٧ پلە لەبان پەیمانەی ریختەر داد لە مەراکش.
ناوەندە ئەڵمانیەگە وتیش؛ زەویلەرزەگە وەقویلی ٤ کێلومەتر لە هەرێم حوز بویە کە کەفێدە لای مەراکش ئاسفی.
