دویرەوکەفتن کۆمەڵایەتی رزگار جهان کرد لە ١،٥ مەلیۆن تووشهاتن وە کۆرۆنا
2020-08-02T12:09:32+00:00
شەفەق نیوز/ توێژینەوەی زانستی نوویگ باس خاسی سیاسەتیگ کرد ک فرە له دەوڵەەتەیل جهان وەکاری هاوردن، ک جهانەگە پارێزی لە زیایبوین ١،٥ مەلیۆن تووشهاتن نوو وە ڤایڕۆس کۆرۆنا. توێژینەوە بڵاوکریایەگە لە ماڵپەڕ '' تایمز نیوز ناو'' ئاماژەدا ک سیاسەت دویرەوکەفتن کۆمەڵایەتی کاریگەری جوور سحر داشت لە کەمەوکردن تووشهانەگان کۆڤید١٩. و دیاری کرد؛ پسپۆڕەگان دین ک بڵاوبوین ڤایڕۆسەگە لە ری پژمە و قوتە فرە کەمەوبوی، لەوەر سیاسەت دویرەو کەفتن کۆمەڵایەتی، و ریکارەیلیگ تر جوور دەسشووردن. توێژینەوەگە وت: پابەندی مەردم وە رووبەر ٦ پا ناونی خوەیان، دەسمیەت دا لە نواگردن ١،٥ مەلیۆن تووشهاتن نوو. توێژینەوەگە دی ک ٤٦ دەوڵەت لە جهان، دویرەوکەفتن کۆمەڵایەتی دەسمیەتیان دا لە کەمەوکردن تووشهاتنەگان کۆرۆنا وە شیەوەی فرە گەورا و دیاریگ.
