دو کارمەن لە ئەمریکا وە وەشکین درووکانی كۆرۆنا دەوڵەمەن بۊینە

شەفەق نیوز/ دو كارمەن تەندروسی لە نیویۆرک ئەمریكا بڕ 1.5 ملیۆن دۆلار لە دروسكردن بڕوانامەی وەشکین كۆرۆنا پی سی ئار درووکانی تەنیا لە ماوەی دو مانگ کەفتیەسە دەسیان.

وەگورەی هەواڵ كەناڵ CNBC لە ئەنجام وەشکین ماڵ یەكیگ لەی دو كارمەن تەندروسیە پۆلیس نزیكەی 900 هەزار دۆلار پەیاکردیە وەگەرد نۊسریاییگ ک دەسكەفتن 1.5 ملیۆن دۆلار دیاری کەێد. 

ئی كارمەنە تەندروستیەیلە ئەرا هەر وەشکینیگ لە کەسەیل گەورە 220 دۆلار و ئەرا مناڵەیل 85 دۆلار وەرگردنە. 

لە دۊیای بڵاوبۊین كۆرۆنا لە جەهان لە فڕۆكەخانەیل و دەروازە سنوورییەیلە ئەرا هاتوچگن  پشت وە وەشکین كۆرۆنا پی سی ئاڕ بەسن.