دویای نزیکەی ٨ ساڵ لە دابڕین.. تورکیا پەیوەندیە دیبلۆماسەکانی وەگەرد میسر تێرێدەو

شەفەق نیوز/ مەولەود چاوێش وەزیر دەرەوەی تورکیا، ئمڕوو جمعە، راگەیان پەیوەندیەکان وەگەرد وڵات میسر کەفتە ئاستە دیبلۆماسەگە، وتیش: قاهیرە و ئەنقەرە باس مەرجەیل وەرینیگ ئەرا هاوردنەوەی پەیوەندیەیل ناوبەینیان نەکردن.

ئاژانس خەوەری ئەنادۆڵ فەرمی لە زوان چاوێش ئۆغلۆ وت: ئاسان نییە ک رفتار بکەێ چمان هیچیگ نەویە، دویای دابڕین پەیوەندیەکان لە ساڵ ٢٠١٣، وتیش؛ ئی ماوە دریژە، و دانووستانەکان لە چوارچێوەی ستراتیژیگ تایبەت وەڕیەو چن.

و دیاری کرد ک پەیوەندیەکان لە ئاست وەزارەتەیل دەرەوە و هەواڵگری لەناوبەین دوو وڵاتەگە دەس وەپیان کریا.