دویای دوو رووژ لە کوشیانی.. کووە تەرمەگەی زەواهری؟
شەفەق نیوز/ قسەکەر بزووتنەوەی تاڵیبان ئەفغانستان، ئمڕوو پەنجشەممە، دووپات کرد ک تا ئیسە تەرم ئەیمەن زەواهری ریبەر ریخریاگ قاعیدە پەیا نەکریاگە، هەرچەن یە نزکەی ٢٣ رووژە ئەمریکا کوشتنی لە کابوڵ پایتەخت راگەیانیە.
زەبیحولڵا مقجاهد وت: بزووتنەوەگە تەرم زەواهری پەیا نەکردیە، ودووپات کرد ک لێکۆڵینەوە لە باوەت ئامانجکردنی هیمان تەواو نەویە.
وتیش: لێکۆڵینەوە لە باوەت زەواهری هیمان تەواو نەویە، وهیمان وەردەوامە، ودیاری کرد ک دویای تەواوبوین لێکۆڵینەوە ئەنجامەیلی ئاشکرا کریەێد.
وتیش: دروسکردن فیتنە و شیواشیو ئەمنی لە سنوور ئەفغانستان لە پیلانەیل لایەنەیل دوژمنە، ک خوازن پەیوەندیەیل ئەفغانستان وەرد دەوڵەتەیل هاوسا خراو بکەن، وبڕوایی ناوبەینیان نەمینێد، وتیش: ئیمارەت ئیسلامی ری وەکەسیگ لەوە نیەێد.
وتیش: چەتەی داعش وە شیوەیگ بیوەرین لە ئەفغانستان لەناو دریا، وبایەتە دەوڵەتەیل ناوچەگە رووسیایش لەناویان نیگەران لە داعش لە زەویەیل ئەفغانستان نەوون.
لە دوو ئاب، جۆ بایدن سەرۆک ئەمریکا کوشیان زەواهری وە گورزیگ ئاسمانی لەلایەن ئاژانس هەواڵگری ئەمریکا وە فڕۆکەیگ بێفڕۆکەوان لە کابوڵ پایتەخت ئەفغانستان راگەیان.
