دویای 60 ساڵ پلەی گەرمی 47 لە شار خوڕەم ئاباد ئیران توومارکریا
شەفەق نیوز/ وەپای هەوالیگ لە ماڵپەر هەواڵی ئیران "تەسنیم" وەڕیەوبەر گشتی کەشناسی لوڕستان لەباوەت گەرمی بی وینەگەی لوڕستان راگەیان، دویکە چوارشەممە شار خوڕەم ئاباد پلەی گەرمی بی وینەیگ توومارکردیە.
بهروز موراد پور وەڕێەوبەر گشتی کەشناسی لوڕستان راگەیان، پلەی گەرمی دویکە چوارشەممە لە خوڕەم ئاباد لە 60 ساڵ گوزەشتە بی وینە بویە لە ساڵەیل 1960 و 1961 پلەی گەرمای خوڕەم ئاباد رەسیە وە 47 لە دویای ئەوە تا ئیسە ئی جویرە پلەیگ توومارنەکریایە باوجی دویکە لە دویای 60 ساڵ پلەی گەرما رەسیەس وە 47 پلە.
وتیش؛ ئەگەر ئەوە هەس پلەی گەرمای خوڕەم ئاباد بەرزەو بوود ئەرا 47 پلە باوجی یە تەنها ئەگەریگە و سەد لە سەد نییە.
دیاریکرد، بەرزەوبوین پلەی گەرمی بی وینەیگ لە خوڕەم ئاباد لەوەر ئاڵشتبوین کەشوهەواس ک گشت دونیا گردیەسەو و لە وڵات و پارێزگاگەمانیش رویدایە.
