دروسبوین مەرافەیگ لەناوەین گەشتیارەیل عراقی و دەیان ئیرانی لە باکوور ئیران و داوای دەسوەردان باڵیۆزخانە کەن
2026-08-23T08:43:56+00:00
شەفەق نیوز ـ تەهران
شایەتحاڵەیل، ئمڕوو یەکشەممە، خەوەردان لە قومیان مەرافەیگ سەخت لەناوەین هەفت گەشتیار عراقی و نزیکەی 30 کەس ئیرانی لە شار رامسەر باکوور ئیران، لە ئەنجام زەخمداری لەناوەین عراقیەیل هەس.
شایەتحاڵەیل ئەرا ئاژانس شەفەق نیوز ئاشکرایکردن، مەرافەگە لەناو یکیگ لە چێشتخانەیل رویدایە وە مدوو دەمەقاڵیگ دویای ئەوەگ بسینیگ ئیرانی داوا لە گەشتیارە عراقیەیل کردیە شوینەگە وەجی بیلن کە ئێ شوینە تایوەتە وە ئیرانیەیل، وەرجە ئەوەەگ مەرافەگە بڕەسێدە دەیشت و دەسدرویژی بکرێدە بانیان و شمارەیگ لە عراقی تویش زەخمداری هاتن کە بڕیگیان زەخمداریان سەختە.
شایەتحالەیل داوا لە بایلۆزخانەی عراق لە تەهران کەن دەسوەردان بکەن بارودۆخ گەشتیارەیل زەخمدار و وەدویاچگن ئەرا بارودۆخ تەندروسی و ئەمنیان بکرێد.
