داوەزینیگ گەورا لە شمارەی کەشتییە رەدبۊەیل لە هورمز ماوەی ئی هەفتە
2026-09-14T06:29:34+00:00
شەفەق نیوز- خوەرهەڵات ناوڕاس
داتایەیل سەرەتایی ئەرا وەدۊاکەفتن جۊلەی کەشتییەیل، ئمڕوو دۊشەممە، نیشان دان کە شمارەی کەشتییەیل بارکردن کاڵا کە لە گەروو "هورمز" رەد بوون داوەزیە ئەرا شمارەیگ لە خانەی تاکەیل رووژانە لە سەرەتای هەفتەگە، ئەوەگ فرە کەمترە لە ناوەنجی دە رووژ کە رەسێدە 14 کەشتی.
وەپای ئەو داتایەیلە کە ئاژانس رۆیتەرز خەوەر داگە، 4 کەشتی ناوچەی کەنداو وەجیهیشتن لەڕی گەروو هورمزەو، لە وەختیگ 10 کەشتی لە سەرەتای هەفتەگە چگنەسە ناو.
ئی داتایەیلە، ئەو کەشتییەیلە دۊرەو خەن کە شایەت لە گەرووەگە رەد بۊنە وەگەرد وسانن کارکردن ئامێرەیل پەخش و وەرگردن تایبەت وە سیستەم دیاریکردن ناسنامەی ئۆتۆماتیکی ئەرا دۊرەوکەفتن لە چەودیاریکردنیان.
