ئیدارەی کوردی سوریا هەڵمەت رێککەفن وەرد باڵەیل ئۆپۆزسیۆن راگەینێد

شەفەق نیوز/ ئیدارەی سەروەخوەیی کورد لە باکوور خوەرهەڵات سوریا، ئمڕوو دوشەممە، لە هەڵمەتیگ راگەیان ئەرا رەسین وە رێککەفتن نارد دەسەڵات دیمەشق کە کەفتیەسە دەس باڵەیل ئۆپۆزسیۆن.

ئیدارەی کوردی وت: هاوکاری وەرد دەسەڵاتەیل نوو لە دیمەشق کەفێدە بەرژەوەنی سوریەیل، و داوای وسیان ئۆپراسیۆنەیل سەربازی لە گشت زەویەیل سوریا کرد.

 ئیدارەی کوردی وتیش: هەڵمەت دانوسەنین سوری - سوری خوازێد وڵاتەگە بینا بکەێد، و داوای گردەوبوینیگ زویوەزوی لە دیمەشق کرد ئەرا وەیەککردن نووڕینەیل لەباوەت گام ئاڵشتبوین.

ئیدارەی سەروەخوەیی کورد دووپات لەبان گرنگی بەشەوکردن سامانەیل ئابووری وە یەکسانی ناوەین گشت ناوچەیل سوریا.

هەمیش داوای مقیەتیکردن یەکێتی سوریا و مقیەتیکردنیڵاە پەلامارەیل تورکیا کرد.