دۆلار لە 250 هەزار تومەن رەد کەێد لە بازاڕ ئازاد ئیرانی لەناو زیایبوین ئاڵۆزییەیل وەگەرد واشنتۆن

شەفەق نیوز - تەهران/ بەغدا

نرخ ئاڵشتکردن لە بازاڕ ئازاد ئیرانی وەردەوام بوی لە توومارکردن ئاستەیل پەیمانەیی یەک  لەدویای یەک،  وەگەرد بەرزەوبوین گرژییەیل لە ناوچەگە و زیایبوین رویوەڕویبوین لە ناوەین ئەمریکا و ئیران، تا نرخ دۆلار  250 هەزار توومەن رەد بکەێد..

نیشانەی چەودێریکردن نرخەیل لە بازاڕ ئازاد ئیرانی، ئمڕوو سێشەممە، بەرزەوبوین نرخ دۆلار وە رێژەی 2.54% بەراورد وە رووژ گوزەشتە  دەرخست، تا بڕەسێدە 250 هەزار و 200 توومەن.

هەمیش نرخ یۆرۆ لە 284 هەزار توومەن رەد کرد، و پاوەند ئیستەرلینی لە 331 هەزار توومەن رەد کرد.

بڕ نرخ دیرهەم ئیماراتی رەسیە 67 هەزار و 80 توومەن، لە وەختیگ کە لیرەی تورکی وە 5110 توومەن مامەڵە وەپی کریا.

بازاڕ تەڵایش  بەرزەوبوین دیاریگ وەخۆەی دی. نرخ سکەی تەڵا لە خستنەڕووی نوو، کە وە "ئیمامی" ناسریاگە رەسیە 280 ملیۆن توومەن، لە وەختیگ کە سکەی ەا بویچگ 45 ملیۆن توومەن توومار کرد.

ئەمریکڵ لە رووژەیل کۆتاییە هەڵمەت گوشار ئابووری وەبان ئیران تیژتر کرد، و تەقەلا دێد ئەرا بەسان شادەمارەیل دارایی رژێمەگە.

ئاخڵەی دەریایی، و وەرگری لە فرووشتن نەفت ئیرانی، و بەسان ریگەیل گواستنەوەی دەسکەفتەیل نەفتی، لە هابان ئی هەڵمەتەیلە.