دۆلار بەرزەو بوود و یۆرۆ داوەزێد.. نرخەیل دراوەیل بزان

شەفەق نیوز - وەدۊاچگن

دۆلار لە سەرەتای مامەڵە ئاسیاییەیل، رووژ دووشەممە، لە ئاستەیلیگ کە نزیک بۊن لە نزمترین ئاستەیلی لە ماوەی مانگەگە بەرزەو بۊ، لە وەختیگ ناڕەزاییەیل تون لە فەرەنسا فشار خستە بان یۆرۆ.

 یۆرۆ وە رێژەی 0.1% ئەرا 1.1225 دۆلار داوەزیا وەرد دەسکردن مامەڵە لە ئاسیا، و داوەزیان دراو هاوبەش، کە خاوەن گەپترین سەنگە لە نیشاندەر دۆلار، دەسمیەتی جیگیربۊن دراو ئەمریکی دا کە مامەڵە وەپی کریا لەلای 101.83.

 کیران ویلیامز وەڕیەوبەر کاروبار دراوە ئاسیاییەیل لەلای ئین تۆچ کاپیتاڵ مارکێتس لە لەندەن وت: "ئاڵووزییەیل سەرەتای هەفتە کاریگەرن ئەرا یۆرۆ وە شیوەیگ سەرەکی لەڕی قەواڵە فەرەنسییەیلەو فرەتر لەوە کە وە شیوەیگ راسەوخۆ کاریگەر بوون".

 دۆلار لە وەرانوەر یەن لەلای 158 یەن جیگیر بۊ، دۊای ئەوە کە کازو ئۆیدا پارێزگار بانک ژاپۆن رووژ دوشەممە وت کە هەڵاوسان بنەڕەتی "فرە نزیکە" لە ئامانج بانک ناوەندی کە رەسێدە 2%، لە زوان ئاژانس رۆیتەرز.

 دۆلار لەپای 6.6842 یوان لە مامەڵە دەیشتەکییەیل جیگیر بۊ، وەرجە دەرچگن داتایەیل بەرهەم ناوخۆیی گشتی چینی ئەرا سێیەک سێیەم، و مەزەنە کریەێد ئابووری چینی گەشەی کەمیگ خێراترەو بۊدە لەی ماوە، دۊای ئەوە کە نزمترین ئاست خوەی لە فرەتر لە 3 ساڵ توومار کرد.

 لە بازاڕەیل ئاسیای گەشەسەن، لایەنیگ گەورە لە گرنگیپیداین خریەێدە بان رووپیەی ئەندەنوسی دۊای هەڕەشەی (ئێم ئێس سی ئای)، لە هەفتەی گوزەشتە، وە داوەزانن پۆلێنکردن بازاڕ تیرەیل لە وڵاتەگە ئەرا رەوش "سەروەخوەی"، ئەوەگ هیشت پشکەیل وە رێژەی 11.6% تویش رمیان بوەن.

 رووپیە کەفتە لاوازترین ئاستی لە نزیکەی 3 مانگ لە رووژ جمعە، تا لەلای 18000 لە وەرانوەر دۆلار بوەسیەێد.

 دۆلار ئوسترالی 0.3% ئەرا 0.6965 دۆلار ئەمریکی بەرزەو بۊ، لە وەختیگ دۆلار نیوزلەندی لەلای 0.5656 دۆلار ئەمریکی جیگیر بۊ، و پاوەن ئیستەرلینی لەلای 1.3329 دۆلار جیگیر بۊ.

 لەباوەت دراوەیل ئەلیکترۆنی، بیتکۆین وە رێژەی 1.4% ئەرا 82067.66 دۆلار بەرزەو بۊ، لە وەختیگ ئیسەر وە رێژەی 3.0% ئەرا 2420.22 دۆلار بەرزەو بۊ.