ڤیدیۆ .. سەرۆک فەرەنسا دریەێدە وەر تەماتە

شەفەق نیوز/ لە ماڵپەڕەیل پەیوەندیەیل کۆمەڵایەتی، پارچە ڤیدیۆییگ بڵاو بوی، نشان ئەوە دەێد ک ئیمانوێل ماکرۆن سەرۆک فەرەنسا، دریەێدە وەر چەن گلەیگ تەماتە، ک ناچار پاسەوانەیلی کەێد دەسبیەنەوەر.

وەگورەی “bfmtv”، لە مەوقەی سەردانی ئەرا ناوچەی سێرجی لە یەکەم گەردینی دویای دووارە سەرکەفتنی لە هەڵبژاردن، ئیمانوێل ماکرۆن، لەو مەوقە ک قسە وەگەرد ئەو کەسەیلە کرد ک هاتنە پیشوازیکردنی، دریا وەر تەماتە، باوچەی پاپەی ئەوە نەوی.

ئەوەیش لە ناو گەردینی لە ریە قەرەباڵغەیل ناو بازاڕیگ بوی لە پارێزگای فاڵ دواز، و ئەو سەردانە کۆشک ئەلیزێە تا شەوەکی ئمڕوو چوارشەممە ئاشکرای نەکرد.