دەسەڵاتەیل ئەڵمانی دوو عراقی وە توومەت "داعش" دەسگیر کەن

شەفەق نیوز- بەرلین

دەسەی دژة تونڕەوی سەر وە داواکاری گشتی باڵا لە درێسدن لە ویلایەت ساکسۆنیای ئەڵمانی، ئمڕوو جمعە، خەوەردا لە دەسگیرکردن دوو پیاو عراقی وە توومەت سەروە رێکخستن تیرۆریستی "داعش"، لەوەخت وەشکین شوین نیشتەجیبۊنیان لە درێسدن و کۆنیگشتاین.

 دەسەگە دیاری کرد کە توومەت سەروە گرووپیگ تیرۆریستی لە دەیشت بۊن،  وەو دوو توومەتبارە کریاس، کە تەمەنیان 33 و 27 ساڵانە.

وتیش کە گومان لەو دوو توومەتبارە کریەێد کە جویر دوو ئەندام جەنگی لە شانەیل جیاجیای رێکخستن "داعش" بەشداری کردنە، یەکەمیان لەماوەی شوبات 2016 تا ئایار 2017 و دۊەمیان لە نیسان 2016 تا شوبات 2017، و گومان کریەێد کە لە وەرانوەر یە مووچەیگ مانگانە وەرگردنە.

 وەپای دەسەگە، دەسەڵاتەیل، لە پرۆسەیل وەشکین دەس گردنەسە بان مۆبایلەیل و کۆمپیوتەریگ لاپتۆپ و بەڵگەنامەیل چەسپانن ناسنامەر و ئەو دوو پیاوە چگنە نوای دادوەر لێکۆڵینەوە لە دادگای هەرێمی باڵا لە درێسدن، کە فەرمان دا وە جیوەجیکردن هەردوگ یاداشت دەسگیرکردنەگەی وەرانوەریان.