دەسەڵاتەیل ئیرانی دوو دویەت دەسگیر کەن لەشوینیگ گشتی سەما کردنە
لە ماوەی چەن رووژ گوزەشتە گرتە ڤیدیۆیی سەمای ئەو دوو دویەتە لە نزیک گۆڕەپان تەجریش لە باکوور تەهران کە فرەجار پڕە لە پیادە و بازاڕکەر و بازرگان، وە شیوەیگ فراوان لە پلاتفۆرمەیل سۆشیال میدیا بڵاو بوی.
ئاژانس "تەسنیم" ئیرانی بڵاوکرد کە "دادستان گشتی لە تەهران فەرمان دەسگیرکردن دوو ژن دەرکردگە کە وە سەماکردن لە تەجریش یاسا شکاننە".
ئەو دوو دویەتە لە گرتە ڤیدیۆییەگە وە پڕتاڵ سوور (حاجی فیروز) دەرکەفن، کە کارەکتەر وەناوبانگی ئێرانییەیلە لە کۆتایی ساڵ، کە فرەیان پڕتاڵەگەی پووشن و سەما کەن و گورانی چڕن لە جادەیل، گۆڕەپان گشتی، چوارڕیەیل، یا تەنانەت لە ناوڕاس هامشوویش.
ئیرانیەیل لە ٢٠ ئازار ئاهەنگی نەورووز یا سەر ساڵی نوو کەن وەگورەی ساڵنامەی کووچی خوەر.
یاسایل لە ئیران سەمای تێکەڵا یا سەمای ما وە تەنیا وە تایبەت لە شوینە گشتییەیل قەیەغە کەن.
ڤیدیۆ کلیپ سەماکردن ژنەیل لە شوینە گشتییەیل و وەتایبەت وێستگەیل میترۆ، لەی دوایی لە ئیران بڵاو بوینە، یەیش دویای ئەو شەپۆلە ناڕەزایەتییە کە وڵاتەگە لە دویادویای ساڵ ٢٠٢٢ دویای مردنی ئەو ژنە گەنجە وەناو مەهسا ئەمینی کە لەلایەن پولیس ئەخلاق دەسگیرکرایا، وەخوەی دیە ئەرا پابەندنەوین وە یاسای پڕتاڵ وڵات.
