دەرکەفتن سەرەتایی لە خاسەوبوین کەرت ماشین ئەڵمانی
![دەرکەفتن سەرەتایی لە خاسەوبوین کەرت ماشین ئەڵمانی](https://media.shafaq.com/media/arcella/1596532813591.jpg)
شەفەق نیوز/ پەیمانگەی ''یئڤو'' ئەڵمانی ئەرا توێژینەوی ئابووری، ئمڕوو سێشەممە، ئاشکراکرد ک کەرتەیل ماشین لە وڵاتەگە خاسەوبوینیگ وەخوەیان دین، دویای سووکەوکردن ریکارەگان لەنواگردن بڵاوبوین ڤایڕۆس کۆرۆنا، وئاماژەدا لە پێشبینی لە زیایبوین هەناردەی ماشین.
پەیمانگەگە وت: پێشبینی کۆمپانیاگان و داواکردن و خشتەیل داواگان گشتی لە مانگ گوزەیشتە خاسەوبوی، وەلی هووشداری دا ک پێشبینیەگە ئەرا رەوش ئیسەی کۆمپانیاگان وەکەمی مینێد.
ڤۆڵگس واگن ودایملەر وتن کڕیارەگان هاتنەو ئەرا هۆڵەیل هەلکردنەگان دویای سووکەوکردن ریکارەیل بەساننە گشتگیرەگان، و بویە هووکار ئەوزەڵکردنیگ لە داواکردن لە ئۆڕوپا و چین.