دۊای ژیرئاوخستن کەشتییگ هەڵگر نەفت ئیرانی لە کەنداو عومان لەلایەن "سێنتکۆم"ەو.. سوپای پاسداران پەلامار 6 کەشتی و نەفتهەڵگر دەێد
شەفەق نیوز - واشنتۆن / تاران
فەرماندەیی ناوەندی ئەمریکی "سێنتکۆم"، یەکشەممە، خەوەردا لە نوقمبۊن کەشتی هەڵگر نەفت "ئێم/تی کیلۆ" لە کەنداو عومان، دۊای کردنە ئامانجی لەناو پەلاماریگ ئەمریکی کە رەسیە سێ کەشتی هەڵگر گریەدار وە سوپای پاسداران ئیرانی، لە وەختیگ تاران خەوەردا لە وەڵامداین وە کردنە ئامانج سێ کەشتی هەڵگر و سێ کەشتی گریەدار وە ویلایەتە یەکگرتگەیل.
"سێنتکۆم" لەڕی پلاتفۆرم "ئێکس" وت: "وە سەیەی وردی و پیشەییبۊن هیزەیل ئەمریکی، کەشتی هەڵگر ئێم/تی کیلۆ ئمڕوو لە بنی کەنداو عومان جیگیر بۊ، تا بچوودە چان هیز دەریایی ئیرانی لە بن دەریا".
نوقمبۊن کەشتییە هەڵگرەگە دۊای راگەیانن فەرماندەیی ناوەندی تیەێد کە هیزەیل ئەمریکی کردیەسەی ئامانج لە چەن شوینیگ گرنگ، ئەوەگ بۊە مدوو پەکخستنی وە تەواوی، دۊای دەرکردن فەرمانەیل ئەرا دەسەگەی وە چووڵکردنی.
لەلای خوەیەو، هیز دەریایی سوپای پاسداران ئیرانی، خەوەردا لە کردنە ئامانج 3 کەشتی هەڵگر نەفت کە رێڕەویگ رینەیریاگ لە گەروو هورمز گردنە وەر و 3 کەشتی ئەمریکی چۊ وەڵامیگ ئەرا پەلامارەگە لەبان کەشتییە هەڵگرە ئیرانییەیل.
