جیگر ترەمپ: دانوسەنین وەرد ئیران سەختە
شەفەق نیوز ـ واشنتۆن
جیگر سەرۆک ئهمریکا جی دی ڤانس، ئمڕوو پەنجشەممە، دووپات کرد دانوسەنین وەرد ئیران فرە سەختوبوود لە وەختیگ خوازێد وە دووپاتکردن لەبان ئەوەگ وڵاتە یەکگرتگەیل گشت ئامرازەیل سەربازی و ئابووری و دیپلۆماسی وەکار تیارێد ئەرا رەسین وە چارەسەریگ وەرد تەهران.
ڤانس، لە لێدوانەیلیگ ئەرا راگەیاندنەیل ئهمریکی وت، ئیرانییەیل "لایەنیگ فرە سەختن لە دانوستانەیل"، وتیش، رژیم ئیران بەشەوبویە لەناوەین ئەو کەسەیلە کە خوازن جەنگەگە کۆتایی وەپی باد و ئەوانەگ کە هەوڵ دەن ئەرا وەردەوامبوینی.
وتیش، کە وڵاتە یەکگرتگەیل "هێمان لە ناوەڕاس ریەگەس"، باوجی لە شوینیگ وەهێزتر دەرچوود، وە دوپاتکردن لەوەگ نرخەیل وزە داوەزێد، و ئیران "چەکیگ ئەتۆمی خاوەنداری نیەکەێد".
جیگر سەرۆک ئهمریکی دووپات کرد لەبان نەوین هیچ ناڕێکییگ وەرد سەرۆک دۆناڵد ترەمپ لەبان سیاست ئیران، وە دووپاتکردن لەبان ئیدارەی ئهمریکا لە جیوەجیکردن بڕیارەیل سەرۆک.
