تووشهاتنەگان کۆڕۆنا نزیکەوبوود لە ٢٠ مەلیۆن و مردنەگان لە ٧٣٠ هەزار رەدکەن وئیران هالە دوویەم شەپۆل
شەفەق نیوز/ ژمارەی مردگەیل جهان وەڤایڕۆس کۆڕۆنا تا ئیسە رەسیە زیاتر لە ٧٣١ هەزار، و ژمارەی تووشهاتگەیل رەسیە نزیک ٢٠ مەلیۆن کەس.
ئەمریکا هیمان فرەترین دەوڵەت زەرەدمەنە لە جهان، ک ژمارەی مردنەگانی رەسیە ١٦٣ هەزار، و تووشاهتنەگانی لە ٥ مەلەیۆن رەد کردن.
لە بەڕازیل، دویاترین بەیاننامەو ئامارەگان زانکۆی ''جۆنز هۆبکینز'' ، ئمڕوو دووشەممە، دەرخستن ک ژمارەی مردنەگان لە ١٠٠ هەزار رەدکرد، وهەمیش ژمارەی تووشهانەگان لە ٣ مەلیۆن رەدکرد.
مەکسیک، لە سێیەم پلەی لیستەگە تیەێد ، وەتۆمارکردن زیاتر لە ٥٢ هەزار مردن، و ٤،٨ هەزار تووشهاتگ.
لە بریتانیا، ڤایڕۆس کۆرۆنا تا ئیسە گیان دەور ٤٧ هەزار کەس دەرەو کردگە، و زیاتر لە ٣١٢ تووشهاتن وە ڤایرۆسەگە تۆمار کریاگە.
بڵاوبوین پەتای کۆرۆنا لە وڵات هیند بویە هووکار لە مردن زیاتر لە ٤٤ هەزار کەس، و تا ئیسە ٢،٢ مەلیۆن تووشهاتن تۆمار کریاگە.
ئیتالیا کەفتە پلەی شەشەم لە لیستەگە، وەتۆماکردن ٣٥ هەزار مردن و ٢٥٠ تووشهاتن.
لە فەڕەنسا، ڤایڕۆس کۆڕۆنا گیان زیاتر لە ٣٠ هەزار کەس رفان، و ژمارەی تووشهاتگەیل لە ٢٣٥ کەس رەدکرد، ئیجا ئیسپانیا ک ژمارەی مردنەگانی لە ٢٨ هەزار رەدکرد، و ژمارەی تووشهاتنەگانی رەسیە زیاتر لە ٣١٤ هەزار.
بیڕۆ، لە پلەی نۆەم هات لە لیستەگە، و ژمارەی مردنەگانی لە ٢١ هەزار رەدکرد، و دەور ٤٨٠ هەزار تووشهاتن تۆمارکرد.
لە ئیران، ک شەپۆل دوویەم لە بڵاوبوین پەتاگە وەخوەی دوینێد، ڤایرۆس کۆڕۆنا تا ئیسە گیان دەور ١٨٥٠٠ کەس بردگە، و ٣٢٦ تووشهاتن تۆمار کریاگە.
