ترامپ: ئيران بويه‌ وڵات كزيگ

ترامپ: ئيران بويه‌ وڵات كزيگ
2019-05-30T21:08:41+00:00

شه‌فه‌ق نيوز/ دۆناڵد تره‌مپ سه‌رۆك ئه‌مريكا وت: ئيران بويه‌سه‌ وڵاتيگ كز و هه‌وڵ ئه‌ياد ريككه‌فتن وه‌ل وڵاته‌يل يه‌كگرتگ ئه‌نجام بيه‌ێد, ئاماژه‌ وه‌يش كرد سزايه‌يل ئه‌مريكى ته‌هران وه‌ره‌و گفتگوو تازه‌يگ پاڵ نه‌ێد له‌وه‌ر ره‌سين ئه‌را ريككه‌فتن.

 

لێدوانه‌يل تره‌مپ له‌ جواو پرسيار رووژنامه‌نويسه‌يل بوێ له‌ ماڵ چه‌رمگ له‌باره‌ى چه‌ن دوسيه‌يليگ و له‌ناونيانيش دوسيه‌ى ئسرائيل و چين، ئه‌ويش وه‌رده‌ وه‌ڕيكه‌فتنى ئه‌را ولايه‌ت كۆلۆرادۆ.

 

جى باسه‌، وڵاته‌يل يه‌كگرتگ ساڵ گوزه‌يشت له‌ رێككه‌فتن ئه‌تۆمى خوه‌ى كيشاوه‌ ك ساڵ 2015 وه‌ل ته‌هران ئمزا كرياو سزايه‌يلى له‌بان كۆمار ئسلامى تونتره‌و كرد له‌ هه‌وڵيگ ئه‌را خراوكردن ئابووريه‌گه‌و هه‌نارده‌يل نه‌فتيه‌گه‌ى وسان.

Shafaq Live
Shafaq Live