ترەمپ ئویشێد: وەرپرسەیل ئیرانی رخیان چگە و ئەوەسا رێککەفتن وەردیان کەیمن

شەفەق نیوز/ دۆناڵد ترەمپ سەرۆک ئەمریکا، باس باوەڕ خوەی کرد کە دیدارەگەی ئەوەسا رەسێدە رێککەفتن وەرد ئیران لەبان وسانن بەرنامەی ئەتۆمیی، و باس تەهران کرد کە رخی چگەڕ و دانوسەنین خوازێد.

 لە دیداریگ وەرد کەناڵ "فۆكس نيوز": وت "باوەڕ کەم ئەوەسا ڕێککەفتنیگ وەرد ئیرانەو ئەنجام دەیمن".

ترەمپ دووپات کرد کە خوازێد ئیسرائیل وە تونی پەلاماریان نەێد، کە فرە کەس باوەڕ دیرم وە دەسمیەتی ئەمریکا ئەو کارە کەێد.

لەو دیدارە کە پەخش لە خود وەخت قسەکردن سەرۆک وەرد رووژنامەوانەیل لە ماڵ چەرمگ پەخش کریا، وت: خوازم رێککەفنیگ وەرد ئیران بوینم، مە توانیمن رێککەفتن ئەنجام بەیمن، و سەرپەرشتیی بکەیمن و وەشکین جیوەجی بکەیمن، ئیجا تەقاننی، و دڵنیابوین لە نەوین چەم ئەتۆمی.

   وتیش: خاسترە لەلام  رێککەفتنیگ ئەنجام بیەم زەرەد وەپییان نەڕەسنێد، و باوەڕ دیرم ئەوانیش ئەوە خوازن.

ترەمپ تیژبوینین لە چوینیەتی خاسەوکردن رێککەفتن ئەتۆمی ساڵ 

2015 نیەێد کە لە ساڵ خوەی لەلی کیشاوە 2018، هەناێ وت: گەمژەترین رێککەفتن بوی، و رییگە ئەرا چەک ئەتۆمی.

وەلێ سەرۆک ئەمریکا ئویشێد؛ وەرگری ئاسمانی ئیران تا رادەی گەورەیگ وەکار نیەتیەن، کە هیلێد ئیران زیاتر لاواز و زیاتر ئامادە ئەرا نیشتن لەبان مێز دانوسەنین بوود.

 وتیش: باوەڕ دیرم ئەوان فرە هەڵپڕکیانە.