تاوان دڵتەزنیگ لە جەزائیر.. باوگیگ مناڵەیل خوەی سزنێد

شەفەق نیوز/ ئمڕوو یەکشەممە، دادستان کۆمار جەزائیر لە دادگای غەردایە، حەلمات عەبدولحەلیم، هویردەکارییەیل “تاوانیگ دڵتەزن” ئاشکرا کرد کە وڵاتەگەی لەرزان، پەیوەندی وە کوشتن و سزانن ٤ مناڵ ودەس باوگیان دیرێد.

 میدیایل جەزائیر بڵاو کردن ک هەلمات عەبدولحەلیم، لە ناو کۆنگرەیگ رووژنامەوانی وت: لە 11ی کانوون دویەم 2024، پولیس نیشتمانی لە غەردایە پەیوەندییگ تەلەفۆنی لە ژنیگەو وەپی رەسیە کە ڕاپۆرتیگ لەبان شویەگەی پیشکەش کردگە، کە ئەویش باس لە کوشتن مناڵەیلی لە ژن یەکەمی لە شارەوانی ئەتف لە ویلایەت غەردایە بویە.

 وتیش: "دویای دەسوەردان زویوەزوی پولیس نیشتمانی ئەرا ماڵەگەی، توومەتبارەگە دەسگیرکریا و بریا ئەرا لێکۆڵینەوە، و هەماهەنگی وەرد بنکەی پولیس غەردایە کریا ئەرا رەسین وە شوین تەرمەیل."

 دویای لێکۆڵینەوە، ٤ تەرم مناڵ بویچگ سزیای لەناوەین تەمەن ٤ تا ١١ ساڵان پەیا کریا لە نزیک ئاوەڕوویگ کە ها گامەیل دروسکردن لە ناوچەیگ چووڵ.

 ئاشکرا کرد: "دویای ئەنجامدانی وەشکین لەش ئەرا تەرم مناڵە قوربانییەیل، ناسنامەیان دیاریکریا، کە گشت قوربانییەیل تویش سزیان پلە سێی فراوان هاتوین، و مدوو سەرەکی مردنیان تاسیان بویە وە دەس."

 باوگە بکوشەگە ئاشکرا کرد کە لە 10ی کانوون دویەم، نزیکەی ساعەت 3:15 دویای نیمەڕو، چوار مناڵەگەی وە ماشین تایبەت بردگە ئەرا گەردین، و جەلیکان 5 لیتری بەنزین سەنیە، و لە شوین چووڵیگ ئاگریان داگە، ئیجا لەو شوینە هیشتیەسەیانە جی.

 دویای ئەوەگ توومەتبارەگە نزیکەی ساعەت پەنج شەوەکی رەسیەسە ماڵەگەی خوەی، کردەوەی خوەی ئەرا ژنەگەی وتیەسەو.