تایلەند.. کوشیان 23 کەس وە مدوو تافاوەیل
2026-09-29T09:54:11+00:00
شەفەق نیوز- بانکۆک
وەزارەت ناوخۆی تایلەندی، ئمڕوو سێشەممە، خەوەردا لە کوشیان 23 کەس وە لای کەمەو لە سەرانسەر وڵاتەگە، کە چواریان لە پایتەخت بانکۆکن، وە مدوو وارانەیل رفت و تافاوەیل کە لە 16 ئەیلول/ سێپتەمبەر ئیسەو لە 42 هەرێم وەردەوامن.
و وەزارەتەگە لە بەیاننامەیگ وت کە تافاوەیل و وارانەیل رفت بۊنەسە مدوو زەرەدەیل گیانی لە شمارەیگ لە ناوچە زەرەدمەنەیل، لە وەختیگ لیکەفتەیل رەوشەیل کەشوهەوای سەخت کە وڵاتەگە لە ناوڕاس مانگەو وەخوەیەو دۊنێد وەردەوامن، وەپەی "رۆیتەرز".
ئاوەیل گەڕەکەیل تەواویگ لە بانکۆک نوقم کردن و بۊنە مدوو شیویان توڕ ئاوەڕوو دۊای وارین 320 ملم لە واران ماوەی دوو یا سێ رووژ، کە یە وە نزیکەیی یەکسانە وە گشت ئەو وارانە کە شارە نزمەگە وە شیوەیگ ئاسایی ماوەی مانگ ئەیلول/ سێپتەمبەر وەخوەیەو دۊنێد.
