تاڵیبان فەرمان بەسیان مەکتەوەیل ناوەندی دۊتەیل دۊای چەن ساعاتیگ لە وازکردنی دەرکرد
شەفەق نیوز/ قسەکەر بزوتنەوەی تاڵیبان راگەیان، بزوتنەوەگە فەرمان بەسیان مەکتەوەیل ناوەندی دۊتەیل دەرکردن لە ئەفغانستان لە دۊای چەن ساعاتیگ لە وازکردنی.
ئینعام ئەلا سمنکانی وە ئاژانس فرانس پرس وت" بەڵی ێە دروستە"، وەبی ئەوەی هۊردەکاری باس بکەێد، دووپات کرد زانیاری رەسیە داوا لە دۊتەیل کریایە گلەوبخوەن ئەرا ماڵەیلیان".
تیم ئاژانس فرانس پریس، ئمڕوو چوارشەممە، لە مەوقەی وینەگردن بەش وانەیل لە پۆلەیل مەکتەو زارگونای ناوەندی دۊتەیل لە کابول پایتەخت بۊیە، مەوقەی مامووستایگ تیەێد فەرمان دەێد وە خوەنەوارە دۊتەیل گلەوبخوەن ئەرا ماڵەیلیان.
دۊتەیلە دڵخوەشبۊن وە ئەوە ک جاریگتر چگنە ئەرا مەکتەو ئەرا یەکەمجار لەماوەی کۆنترۆلکردن حکومڕانی وەلایەن بزوتنەوەی ئیسلامی توندڕەو لە ئۆگەست گوزەشتە. ئەوان کتاوەیلیان بەسان و چشتەیلیان گردەوکردن وە گیرستن دەرچین.
