تاڵیبان سەرۆک ئەفغانستان وەخشێد
شەفەق نیوز/ تاڵیبان راگەیان ک وەخشین داگە گشت وەرپرسەیل حکومەت وەرین ئەفغانستان وەگەرد ئەشرەف غەنی سەرۆکیش، و دووپات کرد ک توانای گلەوخواردن وژیان لە ئەفغانستان دیرن.
خەلیل رەحمان حەقانی وەرپرس لە بزوتنەوەی تاڵیبان ئەرا کەناڵ جیوی پاکستانی وت: تاڵیبان لە سەرۆک وەرین ئەشرەف غەنی و حیگرەگەس عەمرو ساڵح وەخشێ، و بانگوازیان کەێد ئەگەر خوازن ئەرا وڵاتەگە گلەو بخوەن، ک هیچ دوژمنییگ لەناوبەین تاڵیبان و سەرۆک وەرین و جیگرەگەی و راوێژکار ئاسایش نەتەوەیی حەمدەلڵا موحب نییە.
حەقانی وتیش؛ ئەشرەف غەنی و ئەمرەلڵا ساڵح و جێ ەحەمدەلڵا موحب وەخشیمن، و لەلای خوەمان هەر لە ژەنیڕاڵ تا کەس ئاسایی لەوانەگ جەنگ وەدژمان کردن وەخشیمنە.
و هەمیش هان ئەفغانیەیلە دا ک لە وڵاتەگە نەوان، و ئەو قسەیلە ک ئویشن تاڵیبان تووڵە لەیان سینێد قسەی دوژمنەیلە.
حەقانی وتیش؛ تاجیک و بلووش و هەزارە و پیشتون گشتیان برای ئیمەن.
