تاڵیبان دەسکەێدە ئۆپراسیۆنیگ دژوە داعش لە دوو شار
2021-09-29T11:17:22+00:00
شەفەق نیوز/ میدیایل راگەیانن ئەفغانی، ئمڕوو چوارشەممە، خەوەردان ک بزووتنەوەی تاڵیبان ک لە مانگ ئاب گوزەیشتە ئەرا حکومڕانی گلەوخوارد، دەسکردە ئۆپراسیۆن نوویگ دژوە داعش لە کابوڵ پایتەخت و شار نەنکرهار.
ئاژانس Khaama Press ئمڕوو، دووپات کرد ک ئەو ئۆپراسیۆنە ک وەرپرسەیلیگ لە تاڵیبان باسی کردن، ویلایەتەیل کابوڵ و نەنکرهار گرێدەو.
ئاژانسەگە وتیش: ئی گەشەکردنە دۊیای زنجیرەی پەلامارەیلیگ لەلایەن داعش لەبان تاڵیبان لە نەنکرهار تیەێد.
تاڵیبان لە مەوقەی دەسناینی لەبان حکومڕانی ئەفغانستان پەیمان وە دژایەتی تیرۆر دا، باوجی سەرۆک دەزگای ئەرکان هاوبەش ئەمریکی ژەنیڕاڵ ماڕک ملی، دۊیەکە هوشداری کرد ک بزووتنەوەگە پەیوەندی وەگەرد ریخریاگ قاعیدە نەوڕیە.
