تێهران لە ئورووپا گرانترەو بییە
شەفەق نیوز/ لە دە ساڵ وەر ژە یەوە، فشارەێلێ وە مل ماڵ گرتن هاتگە ک ئێسە دبینیمن قیمەت سەنین ماڵ و کراماڵ دە تێهران لە کەڵێنشارەێل ئورووپائییش داگەسە بانتر.
بەرپرس ئتەحادییەێ ئەنبووهسازان وتگە: گشت ئدارەێل و وزارەتخانەێلە هە وە چەم دەرئامەێ دەرهاوردن دنووڕنە ئی کار و بارە و یە ئێسە وەز و رەوشێ هاوردگەسەدی ک ئامار ماڵسازی دە تێهران، چەنە دوکوت مالسازی دە ساڵ پێش وەێ هاتگە.
ئەوی وتگە: پۆل رەهن و وەدیعە داین ئەڕا ماڵ کرا کردن دە تێهران بییەسە چەن قیمەت سەنین ماڵێگ دە تورکیە ک یە خوەێ سەرمایەدارەێلە کیشاگە وەراو خڕین ماڵ دە ئەورەێلە جوورێ ک ئێسە دبینیمن ئامار ئێرانییەێلێ ک دە تورکیە ماڵ دسین، چەن‌چەنە گشت ئێرانییەێلگە ک دە تێهران ماڵ دسینن.
ئەوی ئمجا وت: ئی وەز گەنە هە هن تێهران نییە و دە ئەو دووەێ کەڵێنشارەێلە ئێرانیش ماڵ سەنین ئێقەرە گرانەو بییە ک وە دوکوت پۆل خڕین یا وەدیعەێ کرا کردن ماڵ دە مەحەڵەێل بان‌شار کەڵێنشارەێلە بییەیە چەنە خڕین ماڵێگ دە شار ئستامبووڵ تورکیە.
