تەهران کۆتاییهاتن گفتوگوویل تەکنیکی لە سويسرا و دروسکردن چوار گروپ وەرد واشنتۆن راگەیەنێد
شەفەق نیوز - تەهران
کازم غەریب ئابادی، جێگر وەزیر دەرەوەی ئیران، ئمڕوو سێشەممە، راگەیان گفتوگوویل تەکنیکی وەرد ویلایەتە یەکگرتووەیل ئەمریکا لە چوارچمگ دانوستانەیل سويسرا و وە ناوبژیوانیکردن قەتەر و پاکستان ئەرا کوتاییهاوردن وە جەنگ، کۆتایی هاتیە.
ئاژانس خەوەری فەرمی (ئیرنا) لە ری ئەپلیکەیشن "تلیگرام" بڵاو کرد "ئابادی، سەرۆک تیم دانوستانکار تەکنیکی ئیرانی، کۆتاییهاتن گفتوگۆیل ناوەین هەردوگ وڵات و رەسین وە رێککەفتن لەبان چوارچمگ دانوستانەیل ئایندە راگەیان".
ئاژانسەگە وتیش: "بڕیاریش دریا چوار گروپ کار دروسبکرێد کە پەیوەنی دیرن وە کوتاییهاوردن سزایەیل، کاروبار ناوەکی، ئاوەدانکردن و گەشەپێدان ئابووری، و چەودێری و جیوەجیکردن".
نوێنەرەیل وڵاتەیل ناوبژیوان پاکستان و قەتەر بەشداری لە گفتوگوویلە کەن، لە وەختیگ تیم دانوستانکار سەرەکی ئیرانی وە سەرۆکایەتی محەمەد باقر قالیباف گلەوخوارد ئەرا تەهران.
ناوبژیوانەیل کۆتایی قۆناغ یەکەم گفتوگوویل ناوەین بەرپرسەیل پلە باڵای ویلایەتە یەکگرتووەیل و ئیران لە سويسرا راگەیان، ئەوەیش دویاى دەسوەپیکردن ئاڵۆزیگ کە ئیران راگەیان گەرووی هورمز دوارە بەسایە، و دووپاتکردن هەڕەشەیل سەرۆک ئەمریکا دۆناڵد ترەمپ ئەرا دەسوەپیکردن هێرشەیل ئەرا بان ئیران.
لە بەیاننامەیگ هاوبەش کە لەلایەن هەردوگ وڵات ناوبژیوان، قەتەر و پاکستان، دەرچگە، هاتیە ویلایەتە یەکگرتووەیل و ئیران لەبان نەخشە رێیگ ئەرا رەسین وە رێککەفتن کۆتایی لە ماوەی 60 رووژ رێککەفتنە.
وەپای بەیاننامەگە، کە وەزارەت دەێشت قەتەر دەری کرد، گفتوگوویل تەکنیکی لە گشت ئەو ماوە مەنییە ل هەفتەگە لە هاوینەهەوار "بورگێنشتۆک"ی کێوی لە سويسرا کە سەر وە قەتەرە، وەردەوام بوود.
بەیاننامەگە دیاریکرد، لایەنەیل لەبان میکانیزمەو ئەرا کوتاییهاوردن وە شەڕ لە لوبنان رێککەفتنە و کڕ پەیوەندییگ ئەرا یارمەتیدان وە دڵنیابوین لە رەوت ئارام ئەرا کەشتییەیل بازرگانی لەو گەرووە کە لەبانى ناکۆکی هەس، واز کردنە.
