تەندروسی جهانی پەیامیگ دەربارەی کۆڕۆنا ئەرا حکومەتەیل دەوڵەتەگان ئاڕاستەکەێد

تەندروسی جهانی پەیامیگ دەربارەی کۆڕۆنا ئەرا حکومەتەیل دەوڵەتەگان ئاڕاستەکەێد
2020-10-06T12:16:59+00:00
شەفەق نیوز/ رێکخراو تەندروسی جهانی لە ئۆڕوپا، ئمڕوو سێشەممە، بانگواز حکومەتەیل کرد ئەرا نواگردن شەکەتیە فرەگەی مەردمەگە لەوەر ڤایڕۆس کۆڕۆنا و ریکارەیل قەیەغەگان ک لە ٦٠ لەسەد شوونەگان چەسپیاگە.
هانس کلوگە وەڕێۆبەر رێکخراو هەرێمی لە ئۆڕوپا لە بەیاننامەیگ وت: لە بنەمای ئەو تۆمارەیلەگ لە وڵاتەیل ناوچەگە گردەوکریانە، توێنیمن تێبینی بکەیمن جوور ئەوەگ پێشبینی کریاگە، ئەو شەکەتیە لەلای ئەوانەگ رایان وەرکریاگە هالە زیایبوین، و مەزنەتیە ک ئیسە رەسیەسە زیاتر لە ٦٠ لەسەد.
Shafaq Live
Shafaq Live