تەندروسی جۆ بایدن دویای تویشهاتنی وە کۆڤید-١٩

شەفەق نیوز/ دکتۆر ئەشیش جەها، هەماهەنگار تەقەلایل نواگردن ڤایرۆس کۆرۆنا لە ماڵ چەرمگ، ئمڕوو یەکشەممە، وت: سەرۆک جۆ بایدن هەس کەێد فرە خاسە، دویای ئەوەگ تویشهاتنی وە ڤایرۆس کۆرۆنا چەسپیا، ودیاری کرد ک تویش ئاڵشتبوی "بی ئەی ٥" هاتگە ک لە گشت وڵاتەگە بڵاو بویە.  

جەها ئەرا بەرنامەی "بکەفە وەرچەو نەتەوە" لەبان تووڕ "سی بی ئێس" وت: تویش ئاڵشتبوی "بی ئەی ٥" هاتگە، باوجی سوپاس ئەرا خودا ک واکسینەیلمان وەشیوەی خاسیگ وەرانوەر ئی ئاڵشبویە کار کەن، ئەراوە بڕوا دیرم ک سەرۆک خاسەو بوود.  

وتیش: دویەکە وەگەرد تیمەگەی لە وەخت دیریگ سەردانی کردیە، و هەس کردیاد تەندروسیی خاسە، ودویەکە رووژ خاسیگ وەسەر بردیە.