تڕەمپ ئیران وە فەنزوێلا وەراورد کەێد: خود ئامانج وەدەس هاوردیمن
شەفەق نیوز - واشنتۆن
سەرۆک ئەمریکی دۆناڵد تڕەمپ، ئمڕوو دووشەممە وت: ویلایەتە یەکگرتگەیل ئامانجیگ مەزن لە مامەڵەکردن وەگەرد ئیران وەدەس هاوردن، و دووپات لەبان ئەوەگ کرد کە وڵاتەگەی سوپای ئیرانی شکانيە.
تڕەمپ لە لێدوانەیل میدیایی ئاشکرایکرد، "ئیران نیەتویەنێد چەک ئەتۆمی وەدەسبارێد"، و دایاری کرد "ویلایەتە یەکگرتگەیل لە ئیران ئامانجەیلیگ وەدەس هاوردنە کە وەگەرد ئەوانە چۊیەکەن کە لە فەنزوێلا وەدەس هاوردنە".
لەو باوەڕەس وڵاتەگەی لە "رەوشیگ نایابە" لە گشت ئاستەیل تێد، و رەخنە لە رووماڵکردن میدیایی لەبان دەسکەفتەیل ئەمەریکا لە ماوەی گوزەشتە گرد".
تڕەمپ دریژە وە قسەیلی دا و وت: "ویلایەتە یەکگرتگەیل ئەو رووماڵە میدیاییە نییەگرێد کە شایەنیە لەبان ئیران"، و وتیش: "ئیمە ئەوان لە روی سەربازییەو شکانیمنەسەو، وڵاتمان وەهێزە، و سوپامان وەهێزترین سوپای جەهانە".
سەرۆک ئەمریکی دۆناڵد تڕەمپ، دویەکە (یەکشەممە) دووپات کرد "هێز ئەمەریکا چشتیگ نییە ئاوڕوویچگن بوود، بەڵکم مایەی شانازییە"، و ڕاگەیان کە ویلایەتە یەکگرتگەیل چگەس ناو وەسف "چگنەناو سەردەم تەڵایی".
