تەقینەوە و ئاگرکەفتن لەبان کەشتییگ بارهەڵگر لە گەروو هورمز لە دۊای وەئامانجگردنی وە بەلەمیگ بۊچگ
2026-10-30T07:21:19+00:00
شەفەق نیوز - وەدۊاچگن
دەسەی ئۆپراسیۆنەیل بازرگانی دەریایی بەریتانی، ئمڕوو جمعە، راگەیان کە کەشتییگ بارهەڵگر لە گەروو هورمز کەفتە وەر پەلاماریگ لەلایەن بەلەمیگ بۊچگەو وە دوو بومب کە لەبان چوارچیوەگەی چەسپیاۊن، و ئەوەیش بۊە هوکار تەقینەوەیل کە ئاگریگ لە ژوور موتورەیل هیز گرد و بۊنە هوکار پەکخستن کەشتییەگە وە شیوەیگ وەختانە.
دەسەگە لە بەیاننامەیگ وت، کە تیمەگە بیوەیین و هیچ لیکەفتەیگ ژینگەیی روی نەیاگە و ئاگرەگە کوشیانەو، وە دەسنشانکردن ئەرا ئەوە کە کەشتییە بارهەڵگرەگە وەردەوامە لە گەشتەگەی وەرەو بەندەر هاتگ.
دەسەگە وتیش کە رویداوەگە دۊکە پەنجشەممە روی داگە لە دۊری 25 میل دەریایی لە باکوور خوەرهەڵات شار خەسەب عومانی.
