بایدن: ئومید سەرکەفتن لە بەسانن تووڕ کارەبای عراق وەگەرد خەلیج خوازیمن

شەفەق نیوز/ جۆ بایدن سەرۆک ئەمریکا، ئمڕوو شەممە  باس ئومید خوەی وە سەرکەفتن لە بەسانن تووڕ کارەبای عراق وەگەرد دەوڵەتەیل خەلیج کرد، وباس تەقەلالیلیگ دیبلۆماسی کرد ئەرا نواگردن بەرنامەی ئەتۆمی ئیران.   

ئەوەیش لەناو وتاریگ لە لووتکەی جدە ئەرا ئاسایش وئەوزەڵکردن هات، ک ئمڕوو شەممە، وە ئامادەبوین سەرکردەی شەش دەوڵەت خەلیجی وەگەرد میسر وعراق وئوردن دەسوەپی کرد. 

بایدن لە وتارەگەی وت: فرە چشت لەو سەردان دویایینی ئەرا ناوچەگە ئاڵشت بویە، وتیش: ئەرا یەکەم جارە لە رویداوەیل ١١ی سیبتەمبەر تا ئیسە، ئیمە وەبی ئۆپراسیۆن سسەربازی بایمنە ئیرا. 

سەرۆک ئەمریکا دووپات کرد ک واشینتۆن لە ناوچەگە دویر نیەکەفێد و وەچووڵی ئەرا رووسیا وچین نیەیلێدەی جی، و لە خود وەختەگە توومەتبار ئیران کرد وەشیوانن ئارامی لە خوەرهەڵات ناوڕاس.