بایدن پسپۆرەیل سەرسام کرد تەواوبوین پەتای کۆرۆنا راگەیان
شەفەق نیوز/ رووژنامەی "بولیتکو" ئەمریکی، ئمڕوو دووشەممە، راگەیان لە لێدوانیگ سەرۆک ئەمریکا جۆ بایدن ئویشێد پەتای کۆرۆنا رەسیەس وە کۆتایەگەی، یە چشتیگ ئەلاجوی بوی ئەرا وەرپرسیەیل تەندروسی وڵاتەگە.
رووژنامەگە لەی باوەتە وت،" دووپاتکردن بایدن لە کۆتایی هاتن پەتاگە شمارەیگ فرە لە وەرپرسەیل گشتی تەندروسی سەرسام کرد".
قسەکەر روژنامەگە راگەیان لێدوان سەرۆک کۆمار لە باوەت کۆتایهاتن پەتاگە لە چوارچمگ چەوپیکەفتن تەلفزیونی پیلان ئەرای نەنریاگە.
بایدن لە چەوپیکەفتنیگ ک رووژ یەکشەممەی گوزەشتە وەگەرد کەناڵ " سی بی ئێس" بڵاویکردەێد راگەیان " پەتای کۆرۆنا لە وڵاتەیل یەکگرتگ کۆتایی هاتیە، باوجی گیچەڵەیل هەر مەننە"، وتیش:" "هێمان کار فرەیگ مەنییە ئەرا ئەنجامداین".
سەرۆک ئەمریکا دووپاتکرد" پەتاگە کۆتایی هات...هەر جویر وەی دوینین کەس دەمامک نیەوەسێد، گشتێ هانە بارودۆخ خاسیگ".
