بڕ یەک ملیۆن دۆلار درێدە هەر کەسیگ رووژنامەنویسە ئەمریکییەگە لە سوریا پەیابکەێد

شەفەق نیوز/ ئەبیگەیل تایس ئیدا بێرن، رووژنامەنویسیگ ئەمریکیە ماەی 12 ساڵە لە سوریا بیسەروشوینە، حکومەت ئەمریکاش یەک ملیۆن دۆلار بەخشێدە هەر کەسیگ زانیاری لەبارەی ئاشکرابکەێد.

ئەبیگەیل تایس ئیدا بێرن، لە ساڵ 2012 ئەرا کار رووژنامەوانی لە ئەمریکاوە رەسیەس ئەرا روسیا و لە مانگ ئاب هەمان ساڵ لە یەکیگ لە کویچەیل دیمەشق وەلایەن چەن چەکداریگ رفنیا.

 رووژنامەنویسەگە لە گوزەشتە کار ئەرا چەندین رووژنامەی ناودیار وڵاتەگەی کردیە، مانگیگ دویای رفاننی لە گرتە ڤیدیۆیگ وە چەو بەسیاگی دوینریا و ئەوەگ پشتراسبوی ئەرا خێزانەگەی کە هالەژیان بەڵام جاریگ ترەک نەدوینریا.

ساڵ 2022 جۆ بایدن سەرۆک ئەمریکا لە لێدوانیگ رایگەیان، زانن رووژنامەنویسەگە وەلایەن رژێم ئەسەدەو زیندانیکریایە وە رەسمی داوای ئازادکردن و رادەسکردنەوەی کریا.

لەدویای ئەوەگ  رژێم ئەسەد کۆتاییهات و فرەیگ زیندانەگان ئەو وڵاتە شکێنران، کەسوکار ئەبیگەیل تایس جاریگ ترەک دەرکەفتن و داوای سۆراغکردن کوڕەگەیان کەن.

وەرپرسیگ باڵای کۆشک سپی ئاشکرایکرد، ئێف بی ئای بڕ یەک ملیۆن دۆلاری تەرخانکردیە ئەرا هەر کەسیگ زانیاریی لەبارەی ئازادبوین ئەو رووژنامەنویسە ئاشکرابکەێد.