بەرزەوبوین شمارەی قوربانیەیل زەویلەرزەی ئەفغانستان
2023-10-09T07:08:25+00:00
شەفەق نیوز/ ئاژانس "شینخوا" خەوەردا لە بەرزەوبوین رێژەی قوربانیەیل زەویلەرزەگەی خوەرئاوای ئەفغانستان و هەرێمەیل دەوروگەردی رەسیەس ئەرا 2445 کەس.
ئاژانسەگە لەزوانی مەولەوی ئەشعەری وەڕیوبەر نوسینگەی ئیدارەی کارەساتەیل ناوچەی هەرات راگەیان، ئەو ناوچەیل زیاترین زەرەد وەریان کەفتگە ناوچەیل دەوروگەردن لە ناوچەی هەرات، وە جویریگ 13 ئاوای وە تەواوی ویران بوویە.
ناوەند توومار زەویلەرزەی چینی لەوەرین راگەیان، لە رووژ شەممە، زەویلەرزەیلیگ وە تونی 6.2 پلە لەبان پلەی رێختەر لە خوەرئاوای ئەفغانستان رویدا.
