بەڵاچەیگ ئاگر کوێەیگ لە سعودیە دەێد

شەفەق نیوز/ ناوەند رەوانگەیل نیشتمانی سعودی، لەڕی هووشداریکردن زوینە، دەربارەی کەشوهەوای ٢٤ ساعەت ئایندە لە شەرقیە و ریاز و مەکە و عەسیر و باحە وجازان و مەدینە، هووشداری دا.

ناوەندەگە هووشدارەیلیگ دا ک بەشیگ لەی ناوچەیلە ئەوەسا هەوای تونیگ وەگەرد خوەڵ هەڵکەێد و ئاست نووڕستنەگە کەمەو بوود.

وەرجەیە ئاگریگ لە کوێەی عەفەر هەڵسیا، لەوەر بەڵاچەیگ داگە ئەو کوێە.

رۆژنامەی سەبەق سعودی لە ژوان خەڵک ناوچەگە وت: وەرجە دوو رووژ بەڵاچەیگ داگە لووتکەی کوێەی عەفەر لەناوبەین ناوچەیل جەدم و یەلملم.

سەبەق باس کرد ک خەڵکەگە باس لە رخیان لە بڵاوبوین ئاگرەگە کردن م وەگەرد هەواگە بڕەسێدە بەشەیلیگ تێ لە کوێەگە، ک شوینەگەی فرە سەختە و توانای رەسین وەرەو ئەو شوینە نییە مەگەر وە فڕۆکە.