ئاوار ئەڵگری لە تیەریکەبازاڕ مەهاباد
شەفەق نیوز- فەرماندار مەهاباد، دە بارەێ ئاگرسووزی کوانەبازاڕچەێ مەهاباد وت: ئی ئاگر ماڵ‌ڕمنە بان سی ملیارد تمەن خسار رەسانگە ک دە سێ بەش ساختمانی، کاڵا، ژێرخوانەێل بازاڕەگە بینە ئوو لەێ خسارە، 23 ملیاردێ وە دوکاندارەێلە بییە و دو ملیارد و سەد ملیوون تمەنێ وە ساختمان و بان پەنج ملیوون خساریش وە ژێرخوانەێلە رەسییە.
خدرلوو دە دانیشتنەوەێ مودیرییەت بوحران مەهاباد وت: دە ئی قەێڕانە هەفتا غورفە یەکجارەکی رمیانە ئوو دەێ ناوەکییە یانزە ماشین ئاگرکوژانی لە شار و دێیەێلە هامساێ مەهاباد و پترووشیمی مەهاباد کەفتنەسە تێکوشان و ئاخرێ تا وە سێ شەوەکی توانستن ک ئی ئاگرە بکوژننەو.
ئەوی وتگە: دە بنەجوورییەێل ک لە سەرا کریاگە، بڵاچەێ بەرقێ ک دە نام بازاڕەگە دریاگە، ئی ئاگرە داڕسانگە و ئمجا دۆماێ کوورەو کردن و هێمن‌سازی شوونەگە، دەس‌کریاگە وە ئاوار ئەڵگری لەورەێلە ک هەرچەن پێش‌بینییەێل سەرەتایی دە بان شانزە ساعەت کار بان ئەڵ بان بەسریابی باوجی وە شەش ساعەت کارەگە تەواوەو کریا.
جەڵاڵ مەحموودزادە، نمایەندەێ مەهابادیش دە ئی بارەوە وتگە: تێ‌دکوشیمن ک بتوانیم یارمەتی لە دەوڵەت بگریمن ک بەشێ لەێ خەسارە بگرێگە مل و ئمجا دە بان وڵاتوەندەێلە هساو کردیمنە ک هانا بدەن وەێ ماڵ‌ڕمیاگەێلە ک چەمەڕێ هانایەتی گشتن و ماڵ و مینێیان، وە گرد و گردواری، لە کیشێیا‌ن چگە
