گیانلەدەسداین و زەخمداربۊن 27 کەس وە ئاگریگ لە دوورگەی پووکێت تایلەندی
شەفەق نیوز- بانکۆک
11 کەس گیان لەدەس دان و 16 کەس ترەک زەخمدار بۊن، ئمڕوو دووشەممە، لە ئەنجام ئاگریگ کە لە بینایگ بازرگانی چوار قاتی لە ناوچەی پاتۆنگ لە دوورگەی گەشتیاری پووکێت لە باشوور تایلەن هیز گرد.
راگەیاننەیل باس کردن، ئاگرەگە لە نزیک ساعەت 3:30 شەوەکی وە وەخت ناوخوەیی (11:30 شەو رووژ یەکشەممە لە بەغداد) هیز گرد، لە بینای فرووشگایگ ئەرا کراێداین ماتۆڕسکیل و چێشتخانەیگ لە نهۆمەیل خوارین، و یەکەیل نیشتەجیبۊن کراداین لە نهۆمەیل بانین لە خوەی گرێد.
ئاشکراکرد، تیمەیل ئاگرکپەوکردن نزیکەی دوو ساعەت کیشان ئەرا کپەوکردن ئاگرەگە و سنووردارکردن بڵاوبۊنی، لە دویای ئەوەگ بلویزە ئاگرەگە رەسیە شمارەیگ لە بینایەیل هاوسا، و دیاری کردن هەبوین زیاتر لە 100 ماتۆڕسکیل و بڕیگ لە سزەتەمەنی بەشداری بوی لە زوی بڵاوبۊن ئاگرەگە و بەرزەوبوین دۊکەڵ خەسیگ.
پۆلیس تایلەندی دووپات کرد قوربانییەیل لە هاووڵاتییەیل تایلەند و میانمارن، و هویچ گەشتیاریگ بیانی لە ناویان نییە، و دیاری کرد زەخمدارەیل لە خەسەخانە چارەسەر وەرگردنە لە ئەنجام هەڵمژین دۊکەڵ و زەخمدارداریبوینیان وە شیشە.
دەسەڵاتەیل ئەمنی و تیمەیل بەڵگەی تاوان هیمان لێکۆڵینەوە لە مدووەیل هوورد هیزگردن ئاگرەگە کەن.