ئامار زەویلەرزەگەی ئەفغانستان
2023-10-08T07:26:57+00:00
شەفەق نیوز/ وەپای دویا ئاماریگ، ئمڕوو یەکشەممە، بڵاوکریاگە، زیارتر لە هەزار کەس لە ئەفغانستان بوینەسە قوربانی وە مدوو سێ زەویلەرزەگەی دویەکە شەممە.
بیلال کەریمی قسەکەر حکومەت ئەفغانستان راگەیان، وەداخەو ئامار قوربانیەیل فرە بەرزن تا ئیسە شمارەی ئەو کەسەیلە گیان لەدەسدانە هەزار کەس رەدکردیە.
زەویلەرزەیلە لە ناوچەیل زنداجان سەر وە هەرێم هەرات وە گوڕ 6.3 رویدان و بیجگە لە زەرەد گیانی دەیان ماڵ رمیان.
